Трагични вести пристигнуваат од Јужна Америка. Еквадорската полиција соопшти дека во вооружена престрелка убиен е 33. годишниот Марио Пинеида инаку фудбалски репрезентативец на оваа земја, кој што во моментов беше дел од тимот на Барселона од Гвајакила.
Во очигледен напад со многу сведоци, Пинеида дирекно бил погоден и им подлегнал на повредите. Како и зошто се случил инцидентот сеуште нема детали. Во инцидентот страдала уште една личност, а една е потешко повредена.
Пинеида инаку е искусен играч кој што во минатото настапуваше за Индепендиенте од Еквадор, а пред две години беше позајмен и во славниот бразилски Флуминенсе. За Еквадор забележа десетина настапи.
Еквадор е држава со сериозна стапка на криминал во која на годишно ниво има од седум до десет илјади убиства.
Извор: vecer.mk
