Полицијата во Нов Јужен Велс потврди дека 16 лица, вклучувајќи го и еден вооружен човек, се убиени во пукотница на плажата Бонди во Сиднеј. Другиот напаѓач е во критична состојба.
Полицискиот комесар на Нов Јужен Велс изјави дека властите не бараат други сторители. Тој рече дека двајцата напаѓачи биле татко и син, на возраст од 50 и 24 години. Таткото бил убиен во полициска интервенција, додека синот е сè уште во болница.
40 лица беа ранети. На плажата Бонди се одржа настан по повод првиот ден од прославата на еврејската Ханука. Нападот беше официјално прогласен за терористички.
Минс потврди дека во нападот загинале 15 невини луѓе, како и еден од напаѓачите. Тој додаде дека возраста на жртвите се движи од 10 до 87 години.
Тој исто така рече дека 42 лица се уште се во болница и ја повика локалната заедница да се поддржуваат едни со други.
„Да знаат дека обичните Австралијанци, обичните луѓе, се со нив и мислат на нив во овој ужасен, насочен напад врз настан што требаше да биде радосен и што тие имаа секое право да го споделат со заедницата на Бонди Бич“, рече Минс.
Четири деца се меѓу повредените.
„Се надеваме и се молиме да преживеат. Следните часа ќе бидат најтешки“, изјави министерот за здравство.
Извор: tv21
