Во вторник вечерта, додека патролирале по автопатот А6, решиле да проверат еден автомобил бидејќи им се чинело дека возачот гледа во својот телефон.
Сепак, кога се приближиле до возилот, виделе глетка што долго ќе ја паметат, објавува Дојче веле.
Извршен е детален преглед
Штом се приближиле до автомобилот, виделе бебе како седи во скутот на жена, на седиштето на возачот и го држи воланот со двете раце!
Патролата веднаш ги вклучила светлата и го насочила возилото кон следниот излез од автопатот, во близина на градот Рамштајн, каде што бил извршен детален преглед.
Според властите, жената не покажала ни најмало разбирање за опасностите од ваквото возење. Таа тврдела дека двегодишното момче не се чувствувало добро и дека е на пат кон ресторан за брза храна.
Почнала официјална истрага
Сепак, ова објаснување не ја намалило сериозноста на прекршокот, изјавиле полициски службеници.
Против жената е покрената истрага, а надлежните органи се известени поради сомнение за загрозување на детето.
Во текот на постапката ќе се утврдат сите околности околу ова необично и исклучително ризично однесување на автопатот.
Извор: vecer.mk
