Шпанскиот напаѓач Алваро Мората претрпе сериозна повреда на мускулот поради која се очекува да отсуствува околу два месеци. Комо ја потврди веста денеска.
Според официјалното соопштение од клубот, прегледите покажуваат дека се очекува тој да отсуствува подолго отколку што првично се прогнозираше. Мората се огласи на Инстаграм за да го изрази своето разочарување поради повредата.
„Кога работите не одат како што очекувате, кога давате се од себе, но не можете да стигнете таму каде што сакате да бидете, фрустрацијата тежи многу“, напиша тој.
Напаѓачот беше доведен во Комо од Милан ова лето.
Извор: vecer.mk
