Администрацијата на американскиот претседател Доналд Трамп ќе бара од странските туристи да ја покажат својата историја на социјалните мрежи во последните пет години при влез во САД. Драстичната мерка е најновиот обид на американскиот претседател да има контрола кој влегува во земјата, откако минатата недела објави замрзнување на имиграцијата од 19 земји.
Податоците од социјалните мрежи ќе бидат потребни од сите лица кои влегуваат во САД вклучително и од земји како Обединетото Кралство, Германија за кои не требаат визи за патување.
Овој потег следува по јунската објава на Стејт департментот со која им се наложува на патниците јавно да ги објават своите профили на социјалните мрежи. Од патниците ќе биде побарано да дадат имејл адреси, телефонски броеви и информации за членовите на нивното семејство за да се обезбеди безбедно патување, објави „Дејли мејл“.
Во известувањето се наведува дека американската администрација ќе има 60 денови да даде повратни информации.
Извор: tv21
