Повторно се зголеми бројот на жртви во катастрофалниот пожар што минатата недела го зафати станбениот комплекс „Ванг Фук Корт“ во Хонг Конг.
Локалните медиуми, повикувајќи се на полицијата, наведуваат дека досега се пронајдени телата на 146 лица, што е значително повеќе од претходно објавените 128.
Спасувачките служби продолжуваат да ги пребаруваат изгорените станбени згради, а Шук-јин Цанг, раководител на полициската единица за идентификација на жртви, изјави дека околу 100 лица сè уште се водат како исчезнати.
Пожарот се прошири низ седум од осумте кули и не беше целосно изгаснат до петок наутро. Полициските екипи досега успеаја да ги пребараат четирите најтешко погодени згради, а потрагата по жртви сè уште е во тек.
Извор: tv21
