Познатиот 57-годишен актер на Инстаграм ја потврди својата врска со 50-годишната колешка Сатон Фостер, не долго по разводот од Дебора-Ли Фернес со која помина речиси три децении.
„Вистински магична ноќ“
Џекман објави фотографија од Сатон од нејзиниот настап во њујоршкиот „Кафе Карлајл“ во среда наутро, заедно со кратко видео од актерката добитничка на наградата Тони како му мавта.
„@suttonlenore настапува за време на празниците во @cafecarlyle… тоа е навистина иконска њујоршка ноќ! И навистина магично“, напиша воодушевениот актер.
Разведени по 30 години брак
Нивната врска доаѓа среде гласини дека актерот наводно се обидува да се смири со својата поранешна сопруга, 69-годишната Дебора-Ли Фернес. Нивниот развод во септември 2023 година ја шокираше јавноста, а Фернес го опиша распадот на нејзиниот речиси 30-годишен брак како „трауматско предавство“ кое „длабоко ја повредило“. Сепак, се чини дека поранешните сопружници сега работат на подобрување на нивната врска.
„Изгубив секаква почит кон тебе“
Многумина во коментарите под објавата се присетија на озборувањата за наводната афера додека тој беше во брак и го изразија своето разочарување, пишувајќи дека ја фали својата нова девојка исто како што ја фалел и својата поранешна сопруга претходно.
„Изгубив секаква почит кон тебе“, „Луѓе со кои ја изневерил сопругата“, „Фу“ и „Толку сум разочаран“, се само некои од коментарите.
Извор: vecer.mk
