Повеќе од 1.350 предмети, со вкупна проценета вредност од осум милиони фунти (околу девет милиони евра), ќе бидат понудени на зимската аукција на Propstore, која ќе се одржи од 5 до 7 декември, објави Ројтерс.
Најважниот предмет на аукцијата е карабинот EE-3 на Боб Фет од „Војна на ѕвездите: Империјата го возвраќа ударот“, со проценета вредност од 350.000 до 700.000 фунти (400.000 до 800.000 евра).
„Го добивме пред околу една година и поминавме неколку недели детално испитувајќи го, речиси форензички. Успеавме да отстраниме некои оштетувања и знаци на употреба“, рече основачот и извршен директор на Propstore, Стивен Лејн, на денешната прес-конференција.
Извор: vecer.mk
