Градоначалникот на Општина Бутел, Дарко Костовски, заедно со директорката на училиштето, Мевлиде Елези Круези, одблиску ги следеа активностите за поставување на новата енергетски ефикасна фасада во Основното училиште „Петар Здравковски – Пенко“ во населбата Скопје Север.
Според Костовски, овој проект изнесува 11 милиони денари и претставува значајна инвестиција која ќе ги подобри условите за настава и истовремено ќе овозможи значителни заштеди на енергија.
Костовски исто така нагласи дека Општина Бутел континуирано инвестира во општинските основни училишта како никогаш досега, реализирајќи ги барањата кои произлегуваат од разговорите со родителите и наставниците.
„Ги подобруваме условите во нашите општински основни училишта и создаваме помодерна, побезбедна и поефикасна средина за нашите ученици,“ истакна Костовски.
