Претседателот на Собранието на Република Македонија, Африм Гаши, денеска оствари средба со делегација од Кралството Шпанија составена од Наталиа Усеро Перез, Хан Помес Лопез и Лукас Кастило Родригес, членови на Комисијата за надворешна политика на Сенатот.
Како што соопшти собраниската прес-служба, Гаши на средбата им посакал добродојде на гостите, изразувајќи убедување дека ова посета ќе биде почеток на една плодна соработка помеѓу двата пријателски парламента и земји.
Потоа, тој искажал благодарност за поддршката на Шпанија на процесот на интеграција на нашата земја во Европската Унија и објаснувајќи ја сензибилноста на ситуацијата со бараните промени на Уставот, изразил надеж дека гостите од Шпанија ќе имат разбирање и ќе помогнат во совладување на последните пречки за одпочнување на преговорите со Унијата.
Од друга страна, членовите на шпанската делегација објасниле дека и тие доаѓат од една мултинационална држава и дека ја разбираат сензибилноста на прашањето, но почнувајќи од нивното искуство од патот на Шпанија во Европската Унија потврдиле дека компромисите, иако се тешки одлуки тие на подолг рок ги решаваат проблемите и придонесуваат за мир и развој.
На крајот на средбата, соговорниците изразиле желба посетата да биде успешна и соработката да се продолжи понатаму во заемна полза на двете страни.
Извор: kurir.mk
