Зголемено ниво на водата денеска има реката Вардар, особено кај Јегуновце и кај Демир Капија. Исто така, реката Треска кај Македонски Брод, Пчиња кај Катлановска Бања, Црна Река кај Новаци и Сатеска кај Ботун покажуваат пораст на нивото на водата, соопшти Управата за хидрометеоролошки работи.
Сепак, не сите реки бележат позитивен тренд. Реката Брегалница кај Берово и Црн Дрим кај Ложани покажуваат намалување на нивото под просекот за ноември.
Според податоците од УХМР, нивото на водата во Дојранското, Преспанското и Охридското Езеро е стабилно и во рамките на просечните вредности за месец ноември.
Извор: kurir.mk
