Фотоапаратот Leica M-A ја надмина очекуваната вредност за стократно, според портпаролот на 47-то издание на аукцијата Leitz Photographica.
Во согласност со желбите на поранешниот поглавар на Католичката црква, кој почина во април, парите ќе бидат наменети за хуманитарни цели. Аукциската куќа, исто така, се откажа од својата провизија. Компанијата Leica Camera AG му го подари фотоапаратот на Франциск во 2024 година, означувајќи го, како и неговите објективи, со серискиот број 5000000.
„Во Leica отсекогаш било традиција да се резервираат вакви препознатливи, заоблени сериски броеви за специјални фотоапарати, кои често им се даваат на познати јавни личности“, рече Александар Седлак, извршен директор на аукциите Leica Camera Classics и Leitz Photographica.
Аукцијата траеше 10 минути
Името на купувачот останува непознато. Според извештаите, две лица се натпреварувале преку телефон за фотоапаратот.
Аукцијата, која траеше приближно десет минути, „беше сигурно една од највозбудливите битки за лицитирање во историјата на оваа аукциска куќа и целосно достојна за овој извонреден предмет“, рече Седлак.
Извор: vecer.mk
