Американскиот претседател Доналд Трамп изјави дека неговиот сегашен мировен план за Украина не е конечен. Одговарајќи на прашање од новинарите пред Белата куќа дали планот од 28 точки е неговата последна понуда, Трамп беше јасен.
„Не, ни приближно“, рече тој.
„Сакаме да постигнеме мир, тоа требаше да се случи одамна. Војната на Украина со Русија никогаш не требаше да се случи. Да бев претседател, тоа никогаш немаше да се случи. Се обидуваме да ја завршиме. На еден или друг начин, мора да ја завршиме.“
Подоцна, како одговор на друго прашање, тој додаде: „Тогаш може да продолжи да се бори со сето свое срце“, но остана нејасно на кого мислеше.
Извор: tv21
