Утре ќе се одигра пријателска или ревијална средба меѓу Каталонија и Палестина. Интересот е огромен поради актуелните случувања во Газа, а многу познати фаци од светот на спортот, даваат силна поддршка на напатениот народ на Палестина и се промотори на овој меч.
Покрај останатите тука е Пеп Гвардиола кој и во минатото имал што да каже на оваа тема:
“Тоа е повеќе од симболичен натпревар. Денес сè е познато и со овој конфликт Палестинците ќе видат дека постои дел од светот што мисли на нив. Светот ја остави Палестина сама. Апсолутно ништо не направивме. Не е нивна вина што се родени таму. Сите им дозволивме да уништат цел народ. Штетата е веќе направена и е непоправлива. Не можам да замислам човек на овој свет кој би можел да ги брани масакрите во Газа. Нашите деца би можеле да бидат таму и да бидат убиени само затоа што се родени таму. Имам многу малку доверба во лидерите. Тие прават сè што е потребно за да останат на власт.“ рече покрај другото големиот тренер и големиот хуманист.
Извор: vecer.mk
