УЕФА во следните шест месеци ќе ги открие плановите за промена на системот на квалификации за СП и ЕП.Иако новиот формат на Лигата на шампионите минатата сезона донесе неизвесност, сепак претседателот на УЕФА, Александер Чеферин, изјави дека нема да се примени моделот и на националните натпреварувања.
Главната причина за промените е стравот од намалување на интересот кај навивачите и радиодифузерите поради зголемениот број натпревари во кои победникот е познат однапред. Квалификацискиот циклус за Светското првенство 2026 година, кој завршува овој месец, понуди премалку неизвесност и беше обележан со нееднакви натпревари.
Највпечатлив пример беше победата на Австрија од 10-0 над Сан Марино минатиот месец. На Фудбалскиот бизнис форум во Милано, претседателот на УЕФА, Александар Чеферин, беше прашан дали форматот на Лигата на шампионите, од кој дури и гиганти како Манчестер Сити и евентуалните шампиони ПСЖ се плашеа до самиот крај минатата сезона, може да се примени на националните тимови. „Не“, одговори тој цврсто, додавајќи дека новите планови треба да бидат познати „за околу шест месеци“.
„Прерано е да се каже нешто конкретно, а ни јас не знам бидејќи имаме две опции, сè уште не сме сигурни што ќе правиме. Но, од една страна, дали има смисла да имаме резултат од 10-0? Од друга страна, дали има смисла толку мали и средни тимови да мора да се натпреваруваат со големите и никогаш да не се квалификуваат за Европското првенство?“
Извор: vecer.mk
