Автомобилот што слета во езерото Ваја бил регистриран во Романија и го управувал Романец. Во него имало 10 лица, вклучувајќи го и возачот, објави Euronews.
Според медиумските извештаи, автомобилот „Шкода“ се движел со брзина од 150 км/ч кога влетал во езерото.
Целата ситуација траела околу 34 минути, додаде Златанов.
„Околу 21:20 часот, патролата забележала многу агресивно и брзо возење и се обидела да го запрат возилото. Тоа не застанало“, рече тој.
Додаде дека автомобилот упорно одбивал да застане и двапати го сменил правецот. На крајот, се упатил кон Бургас, каде што полицијата поставила двоен контролен пункт.
Се обиделе да го запрат со шилци, но возачот на автомобилот со мигрантите возел блиску зад друг автомобил што се движел по патот.
„Возеше блиску зад него, дури и го удри одзади еднаш или двапати. Сакаше да вози блиску до него за да не користиме шилци. Луѓето во овој автомобил се добро, колегите ги идентификуваа веднаш по инцидентот“, додаде Златанов.
Сепак, автомобилот со мигрантите потоа слета во езеро. Шест лица загинаа, додека четворица, вклучувајќи го и возачот, се повредени.
Преживеаните мигранти рекоа дека се од Авганистан.
Извор: vecer.mk
