Судот ја отфрли тужбата поднесена од Мрежата за професионален развој на жените „Арита“ против одлуката, објавува Klix.ba.
Судот ја потврди надлежноста на Министерството
Организацијата „Арита“ тврдеше дека забраната за носење хиџаб во јавните образовни институции е неоснована и претставува форма на дискриминација. Во нивната тужба се наведува дека бројни девојчиња биле исклучени од училиштата или им било забрането да посетуваат настава во текот на изминатите четири години само затоа што носат шамија.
По жалбите од средношколците, „Арита“ поднесе жалба до Врховниот суд барајќи поништување на спорната одлука. Сепак, судот ја отфрли жалбата, тврдејќи дека Министерството за образование има законско овластување да ги утврди правилата на однесување и кодексот на облекување за учениците, во согласност со Законот за предуниверзитетско образование и Законот за стручно образование и обука.
Долгогодишна дебата
Забраната за носење шамија во училиштата е жешка тема на дебата во Косово, каде што околу 92 проценти од населението се муслимани. Прашањето за прв пат стана предмет на поширока јавна дебата во 2010 година, кога административните упатства на Министерството воведоа забрана за таканаречените „религиозни униформи“, што вклучуваше и носење шамија.
Исламската заедница на Косово остро се спротивстави на одлуката во тоа време, велејќи дека шамијата не е „религиозна униформа“, туку дел од религиозната обврска на секоја муслиманка.
Извор: vecer.mk
