Силен земјотрес со јачина од 6,5 степени според Рихтер го погоди денеска подрачјето источно од Гвадалупе, во регионот на Мали Антили.
„Доста долг и интернзивен потрес. Седев на столче, и ми се чинеше дека трае бескрајно“, напиша еден од сведоците на земјотресот на страницата на Евромедитеранскиот сеизмолошки центар (ЕМСЦ).
„Звучеше како мотор на хеликоптер во позадина, а тресењето беше помеѓу 20 и 30 секунди“, напиша друг.
Според сеизмолошките служби, епицентарот се наоѓал во Атлантскиот Океан, околу 149 километри источно-североисточно од Босежур (Гвадалупе) и 223 километри североисточно од Розо (Доминика). Земјотресот се случил на длабочина од околу 35 километри.
Според првичните извештаи, земјотресот бил почувствуван на неколку карипски острови, вклучувајќи ги Гвадалупе, Доминика, Мартиник и Антигва и Барбуда. Во времето на земјотресот, локалното време во епицентралната област било 08:38 часот наутро.
Извор: tv21
