Вечерва на програмата се уште девет меча од 3.коло во Лигата на Шампионите. Во терминот од 18:45 часот се одиграа два меча, и на двата славеа домашните.
Во Истанбул, домашниот Галатасарај со 3:1 успеа да го победи Бодо/Глимт. Осимен со два гола, во 3.и 33.минута донесе водство од 2:0, потоа се беше полесно за турскиот гигант.
Во 60.минута Акгун стрелаше за 3:0, за да до крајот гостите со голот на Хелмерсен го ублажија поразот.
На „Сан Мамеш“ гостинскиот тим Карабах поведе со 0:1, со голот на Леандро Андраде уште во 1.минута. Тимот од Азербејџан одигра одлично, но сепак Билба со пресврт дојде до 3:1.
Два гола беа дело на Гурузета а еден постигна Наваро. Ова беше првиот пораз на Карабах во Лигата на Шампионите откако на првите два меча успеа двапати да победи.
Извор: vecer.mk
