Портпарлот на локалната талибанска полиција соопшти дека во експлозијата загинал човек од обезбедувањето, а ранети се најмалку осум лица, од кои петмина новинари и три деца. Се стравува дека бројот на жртви и повредени во експлозијата ќе се зголеми
Во авганистанскиот град Мазар-е-Шариф денеска експлодира бомба за време на церемонија на доделување новинарски награди, при што загина најмалку едно лице, а неколкумина се повредени.
Експлозијата се случила во центарот „Табијан Фарханг“ во Мазар-е-Шариф, главниот град на провинцијата Балх, додека десетици новинари се собирале на церемонијата на доделувањето на наградите.
Портпарлот на локалната талибанска полиција Мохамад Асиф Вазири соопшти дека во експлозијата загинал човек од обезбедувањето, а ранети се најмалку осум лица, од кои петмина се новинари, а три деца.
Се стравува дека бројот на жртви и повредени во експлозијата ќе се зголеми.
За нападот сè уште никој не презема одговорност.
Десетици авганистански новинари беа убиени во напади во изминатите неколку години, но денешната експлозија е прв ваков инцидент откако талибанците ја презедоа контролата врз земјата во 2021 година, по повлекувањето на американските сили.
Извор: 360stepeni.mk
