Тоа е податок што не треба да чуди бидејќи во државата се раѓаат се помалу бебиња, објави денеска Политика извештај од панел на САНУ.
„Резултатите од бројни истражувања покажуваат дека постои голем разлика меѓу посакуваниот и остварениот број на деца. Најновата студија од 2020 година нагласува дека просечниот број на посакувани деца во Србија е 2,6, а остварениот број наследници е 1.7“, изјави Мирјана Рашевиќ претседателка на Одборот за анализа на населението во САНУ на панелот – Ефикасни одговори за демографската криза.
Таа констатираше дека иако во Србија има т.н. конвенционален модел за поддршка на родителство, тој модел не дава адекватни резултати кога е во прашање пораст на фертилитетот.
Конвенционален модел означува платено породилно отсуство за мајката, родителски додаток и надомест за престој на деца во претшколски установи.
Научниот соработник во Институтот за општетсвени науки, марко Гањак на истиот панел рече дека статистиката на морталитет сведочи дека во Србија годишно умираат околу 100.000 луѓе, но наведе дека 40.000 од нив може да се сметаат како – превремени, бидејќи се однесуваат на морталитет на лица помлади од 75 години.
„Освен тоа податоците зборуваат дека умираат многу лица помлади од 58 години, а голем број и во репродуктивно доба“.
Извор: vecer.mk
