Според соопштението од Кабинетот на српскиот премиер Ѓуро Мацут, со кого таа денеска имаше средба во Белград, таа истакнала дека напредокот на Србија на европскиот пат е забележлив, но дека се уште има многу простор за подобрување на соработката со ЕК и во спроведувањето на реформите.
Премиерот на Србија, Ѓуро Мацут, ѝ порача на претседателката на ЕК дека членството на Србија во Европската унија е стратешки приоритет и ја нагласи подготвеноста на Владата да продолжи со спроведувањето на реформите во согласност со европските стандарди.
„Полноправното членство во ЕУ останува наша јасна и трајна стратешка определба, од која никогаш не сме се откажале“, рече премиерот на Србија.
Тој оцени дека Планот за раст на Западен Балкан дава нова динамика на европската интеграција и ја конкретизира идејата за постепено вклучување на земјите од регионот во единствениот пазар и европските политики.
Тој, исто така, разговараше со претседателката на ЕК за предизвиците во дијалогот меѓу Белград и Приштина, ја нагласи својата подготвеност за разговори со граѓанското општество во врска со процесот на реформи и посочи дека целта е да се создаде стабилна, економски силна европска земја која, како рамноправен член на Унијата, ќе придонесе за мирот, соработката и просперитетот на цела Европа.
Соговорниците го повторија заедничкиот став дека е потребно веднаш да се интензивира соработката во бројни области и дека Србија и ЕУ продолжуваат да го продлабочуваат своето партнерство на патот кон заедничка иднина.
Извор: vecer.mk
