Палестинските затвореници беа пречекани со ентузијазам во Рамала, на окупираниот Западен Брег, во понеделник по нивното ослободување од израелските затвори.
Некои мавтаа со рацете во знак на победа, а повеќето се појавија со насмевки на лицата додека излегуваа од автобусот што ги однесе од израелски затвор до културниот центар во градот каде што се наоѓа седиштето на Палестинската самоуправа.
„Тоа е неописливо чувство, преродба“, изјави за АФП Махди Рамадан, неодамна ослободен затвореник, опкружен со своите родители.
За многумина, тоа беше нивно прво ослободување по години, дури и децении.
Околу стотина пристигнаа во Рамала, некои изгледаа гладни и со видливи повреди.
Автобуси што превезуваа палестински затвореници, исто така, пристигнаа во Газа. Маскирани лица, очигледно членови на Хамас, пристигнаа во болницата Насер, каде што беше поставена сцена и столчиња за да ги пречекаат.
ФОТО: Архива
Извор: tv21
