Судот на Босна и Херцеговина денеска ја продолжи мерата забрана за лидерот на владејачката коалиција во Република Српска, Милорад Додик, за претседателот на Народното собрание на РС, Ненад Стевандиќ и за поранешниот премиер на РС, Радован Вишковиќ, кои се осомничени за напад врз уставниот поредок на БиХ, според која тие ќе мора периодично да се јавуваат во надлежната полициска станица во следните два месеци.
Мерките за забрана против Додик, Стевандиќ и Вишковиќ беа утврдени во јули годинава, откако се појавија на рочиште пред Судот на БиХ во случајот напад врз уставниот поредок.
Претходно, Судот на БиХ, поради нивното одбивање да бидат испрашани, издаде централна потерница по нив и им одреди едномесечен притвор, кој беше поништен откако се јавија на поканата да бидат сослушани во Државното обвинителство.
Додик, Стевандиќ и Вишковиќ се обвинети за сторено кривично дело „напад врз уставниот поредок“, бидејќи предложиле во Народното собрание на БиХ да се донесе закон со кој на територијата на ентитетот БиХ се забранува работата на некои судски и полициски државни агенции. Уставниот суд на Босна и Херцеговина ги поништи тие закони.
Извор: vecer.mk
