Градоначалникот на Општина Бутел и кандидат на ВМРО-ДПМНЕ за втор мандат, Дарко Костовски, упати силна порака до граѓаните, ставајќи го образованието во центарот на својот изборен програм.
Во видео обраќање, Костовски најави дека во наредниот мандат ќе се изградат две сосема нови основни училишта во населените места Љуботен и Љубанци, со што ќе се заменат старите објекти кои со децении биле во функција.
„Старите училишта ќе станат историја – време е за модерни и достоинствени услови за нашите ученици“, изјави Костовски.
Според него, во изминатите четири години Општина Бутел била пример за капитални инвестиции во образованието, со рекордни 215 милиони денари вложени во подобрување на образовната инфраструктура. Еден од главните успеси е изградбата на новото училиште во Визбегово, што е конкретен доказ за исполнување на ветувањата.
Градоначалникот Костовски исто така информираше дека, покрај изградбата на нови објекти, општината обезбедила:
- Униформи за сите ученици,
- Ранчиња и училишен прибор за секое прваче,
- Целосна реконструкција на училишните дворови,
- Современи кабинети по информатика за секое училиште.
„Нашиот фокус и во следните четири години ќе остане образованието – затоа што таму се гради нашата иднина“, потенцираше Костовски, повикувајќи ги граѓаните да се обединат околу визијата за поразвиен и пообразован Бутел.
„Продолжуваме заеднички да ја градиме Општина Бутел!“ – беше завршната порака на градоначалникот на Бутел, Дарко Костовски.
