Фановите се разочарани од скулптурата на Тина Тарнер во нејзиниот роден град (ВИДЕО)

Статуата висока три метри беше подигната во Браунсвил, само на неколку чекори од средното училиште што го посетувала пејачката, како дел од годишната церемонија по која се слави нејзиното наследство, пишува UNILAD.

Уметничкото дело ја прикажува Тина со микрофон во рака, во енергична сценска поза со препознатливата фризура. Скулпторот Фред Ајанога, кој ја создаде статуата, рече дека посветил посебно внимание на нејзината коса, опишувајќи ја како „лавовска грива“.

Why does this Tina Turner statue look like Ronald McDonald with a shaggy wig? pic.twitter.com/WPMAa3WW1v

— greg (@mistergeezy) September 29, 2025

Поделени реакции

Сепак, не долго по откривањето, социјалните медиуми беа преплавени со коментари од обожаватели кои сметаа дека статуата не успеала да ја долови суштината на музичката икона. Едно лице силно не се согласи, сугерирајќи дека статуата треба да се отстрани. „Таа статуа требаше да се сруши по откривањето. Тоа е многу лоша реплика на она што треба да биде легендарната Тина Тарнер. Какво непочитување!“, се вели во коментарот.

I know that ain’t supposed to be no TINA TURNER!! pic.twitter.com/rxfnHhhJLv

— Kevín (@KevOnStage) September 29, 2025

Други не можеа да ја сфатат работата сериозно. „Не можам да ја гледам без да се насмеам. Зошто го направија тоа од нејзината коса?“, праша еден обожавател. Еден кратко рече: „Таа заслужува подобро“, додека некои се пошегуваа дека не е Тина, туку холандскиот фудбалер Руд Гулит.

It’s not Tina Turner… https://t.co/DZAIAjXY1o pic.twitter.com/tXh0gL6G7I

— Sean from Enderby (@seanfromenderby) September 30, 2025

Живот исполнет со борба и успех

Тина Тарнер ги надмина тешките настани во текот на својот живот, вклучувајќи го и насилниот брак со Ајк Тарнер, со кого ја започна својата кариера во 60-тите. Во 1976 година, таа го остави само со неколку центи во џебот. По разделбата, таа се соочи со тужби поради откажани концерти и ги користеше своите настапи за да ги отплати долговите.

И покрај сите предизвици, таа изгради неверојатно успешна соло кариера што ја надмина онаа со нејзиниот поранешен сопруг, заработувајќи ѝ ја заслужената титула Кралица на рокенролот.