Унгарскиот премиер Виктор Орбан разговараше телефонски со американскиот претседател Доналд Трамп за неколку прашања, вклучувајќи ја и енергетската безбедност во Централна Европа, изјави доцна синоќа унгарскиот министер за надворешни работи Петер Сијарто во видео објавено на Фејсбук.
По средбата со рускиот министер за надворешни работи Сергеј Лавров на маргините на Генералното собрание на ОН во Њујорк, Сијарто изјави дека снабдувањето со енергија на Унгарија не може да се гарантира без увоз на руски гас и нафта, објави денес Ројтерс.
Сијарто пред два дена изјави за Гардијан дека Унгарија нема да престане да увезува енергија од Русија, додавајќи дека неговата земја не може да обезбеди безбедно снабдување со енергија без руски извори и дека тие го „разбираат“ повикот на Трамп до земјите од НАТО и ЕУ да престанат да увезуваат енергија од Русија.
Извор: tv21
