Иако е добро познато дека одредени населби на Рио де Жанеиро и Јоханесбург не се препорачливи за престој, ниту еден од овие два града не ја носи титулата за најопасен во светот. Според податоците од порталот „Нумбео“, таа озлогласена титула ја држи друг јужноафрикански град.
Со индекс на криминал од 82,8, Питермарицбург, град во
Јужна Африка , моментално е на првото место како најопасен град во светот. Жителите пријавуваат високо ниво на насилен криминал, корупција и грабежи. Овој главен град на покраината Квазулу-Натал го надмина и Рио де Жанеиро, кој е на 14-то место, како и Јоханесбург, кој го зазема петтото место на листата.
Годишната листа на најопасни и најсмртоносни градови, погодени од насилство, банди, брутални убиства, пукања и сиромаштија, се базира на бројот на убиства на 100.000 луѓе.
Во рангирањето, кое секоја година го изработува Граѓанскиот совет за јавна безбедност и кривична правда, беше откриено дека Мексико е најсмртоносна од сите земји во светот, објави „Дејли стар“.
Извор: tv21
