Градоначалникот на Општина Бутел и кандидат на ВМРО-ДПМНЕ за градоначалник, Дарко Костовски, објави дека започна реконструкцијата на двете главни улици во село Љуботен, кои не биле допрени од 1998 година.
„Дадениот збор го реализираме. Почнуваме со реконструкција на главната улица покрај основното училиште и дел од улица број 3. Ова е децениско барање на жителите кое конечно станува реалност“, истакна Костовски.
Тој додаде дека во изминатиот период се асфалтираа повеќе улици во рамките на првата фаза, а во наредните денови ќе продолжи реконструкцијата и на други делови од селото.
„Ја подобруваме патната мрежа во сите населени места, при што приоритет имаат оние каде што досега немало асфалт. Градежната офанзива се одвива со силна динамика, а целта е еднаков и рамномерен развој на сите населени места“, нагласи тој.
