Првиот заменик премиер и кандидат на владината коалиција ВЛЕН за градоначалник на Општина Чаир, Изет Меџити, оваа недела ја помина во Старата чаршија, каде што се сретна со граѓани и културни личности.
Во еден мирен ден, кога пазарот одмараше, Меџити нагласи дека Чаршијата останува храм на духот на Чаир, место каде што уметноста, историјата и секојдневниот живот се спојуваат. Неговата најпосебно средба беше со професорот и познатиот сликар Имер Бајрами, кој со децении е жив симбол на Чаршијата преку своите слики што ги чуваат боите, светлината и духот на ова историско место.
“Чаршијата не е само место за трговија, туку центар каде што дише уметноста и нашето наследство. Благодарам на Чаршијата за секојдневната магија, благодарам за честа што ми ја дава да работам и да служам,“ изјави Меџити.
Со оваа посета, според кандидатот на ВЛЕН, беше пренесена пораката дека Чаир ќе продолжи да биде простор каде што се чува културниот идентитет, каде што уметноста се цени и каде што граѓаните се чувствуваат горди на своето наследство. Меџити исто така потенцираше дека неговата визија е Чаршијата да остане не само гордост на Скопје, туку и вечна инспирација за иднината на целиот Чаир.
