Иако ФК Барселона ги засилува напорите да се врати на „Камп Ноу“, нивниот прв домашен натпревар од Лигата на шампионите на УЕФА нема да се игра таму. УЕФА денеска потврди дека Барселона ќе го пречека ПСЖ на мечот закажан на 1 октомври на Олимпискиот стадион во Барселона, попознат како „Монжуик“.
Барселона првично планираше повторно да го отвори „Камп Ноу“ за трофејот Жоан Гампер на почетокот на август, но одложувањата значеа дека натпреварот мораше да се одржи на „Естадио Јохан Кројф“.
Сега според последните најави, „Камп Ноу“ треба да биде повторно отворен за натпреварот против Реал Сосиедад на 28 септември – три дена пред натпреварот со ПСЖ. Сепак, дури и ако Барселона успее да се врати на стадионот до крајот на овој месец, средбата од Лигата на шампионите нема да се одигра таму, бидејќи страничната трибина на стадионот сè уште не е подготвена, што беше клучен услов поставен од УЕФА.
Извор: vecer.mk
