Најмалку 99 лица се уапсени во протестите што се одржуваат низ Франција денес, од кои 15 во парискиот регион, а 33 лица се приведени. Во Лион, три лица се повредени, меѓу кои новинар и полицаец, кога демонстрантите фрлале проектили кон полицијата, јавува BFM TV.
Демонстрантите во еден момент се собраа пред Министерството за економија во Париз и влегоа во комплексот, но брзо се разотидоа. Дваесет и три училишта беа целосно блокирани утрово, а 52 беа предмет на „филтер блокади“, објави француското Министерство за образование.
Околу 15.000 демонстранти се собраа во Марсеј, но тој митинг заврши, соопшти полицијата, додавајќи дека демонстрациите биле запрени во близина на железничката станица Сен Шарл.
Извор: tv21
