Во Националната установа Универзитетска библиотека „Св. Климент Охридски“ во Битола вечерва се одржа промоција на монографијата посветена на работата и развојот на библиотеката во периодот од 1945 до 2025 година, во рамките на одбележувањето на 80 години од нејзиното основање.
Настанот започна со прикажување на документарен филм, по што директорката на НУУБ „Св. Климент Охридски“, м-р Емилија Стефановска Дафкова, упати поздравна реч.
Проф. д-р Наташа Котлар, промоторка на монографијата, се осврна на содржината на изданието, историскиот развој на библиотеката и нејзината улога во образованието и културата во Битола.
На градоначалникот на општина Битола, Тони Коњановски, му беше врачена плакета во знак на благодарност за поддршката и соработката со оваа значајна институција.
