Вечерва кандидатката за градоначалник на Кисела Вода, Бети Стаменкоска Трајкоска, беше во матичниот штаб на месниот комитет во населбата Драчево каде се одржа средба со присутните.
На средбата присуствуваа и претседателката на Советот на Општина Кисела Вода, Светлана Колариќ, претседателот на ОК Кисела Вода, Иван Живковски, како и дел од советничката група.
-Разговаравме за актуелните прашања и за мерките што ќе придонесат за унапредување на квалитетот на животот во нашата општина. Нашата работа продолжува посветено, обединето и во интерес на сите сограѓани. Особено охрабрува што голем број млади луѓе активно се вклучија во разговорот и ги споделија своите идеи и ставови. Таа блискост со граѓаните ми дава дополнителна сила и мотивација за предизвиците кои следат, истакна Стаменкоска Трајкоска.
Извор: kurir.mk
