Поплавите на индонезискиот остров Бали одзедоа најмалку девет животи оваа недела, блокирајќи ги главните патишта во главниот град и нарушувајќи го животот во прометната туристичка дестинација, соопштија денес официјални лица.
Обилните дождови што паднаа помеѓу вторник вечерта и среда предизвикаа широко распространети поплави и убија пет лица во главниот град на Бали, Денпасар, изјави Абдул Мухари, портпарол на државната агенција за катастрофи.
Уште четири лица загинаа во регионите Џембрана, Џијар и Бадунг, додаде Мухари. Две лица сè уште се водат како исчезнати.
Од 600 жители погодени од поплавите, речиси 200 се евакуирани од своите домови во училишта и џамии бидејќи нивните домови сè уште се поплавени, соопшти агенцијата.
Њоман Сидакарја, раководител на агенцијата за пребарување и спасување на островот, рече дека поплавите уништиле две згради во Денпасар и дека пристапот до меѓународниот аеродром во близина на Денпасар е ограничен бидејќи само камиони можеле да ги користат патиштата.
Индонезискиот претседател Прабово Субианто изрази сочувство и му нареди на шефот на националната агенција за катастрофи да отпатува на Бали за да ги води итни операции и да се обезбеди задоволување на основните потреби.
Извор: tv21
