Машко-женските односи честопати делуваат комплицирано, вистинската поврзаност помеѓу мажите и жените не почива на големи гестови и површински особини. Љубовта што трае не се заснова на минливиот изглед, ниту на тоа колку некој на почетокот е интересен. Мажот може да биде маѓепсан од жената поради разни причини, но постојат две особини кои неа ја прават незаборавна.
Автентичност
Автентичноста значи да си доследен на себеси, тоа е кога жената не се труди да се вклопи во туѓите очекувања, не глуми, не ги крие своите емоции и ставови. Оваа особина мажите често не знаат да ја опишат со зборови, но автентичната жена останува врежана во сеќавањето засекогаш. Таа не се обидува да импресионира, туку едноставно е присутна. Нејзината сила доаѓа од внатрешната стабилност. Не се срами од своите мани, но не се ни расфрлува со своите доблести. Искрена е во комуникацијата, знае да се каже „да“, но и „не“, без чувство на вина.
Мажот покрај автентична жена чувствува мир. Таа не создава драма, не игра игри, не користи манипулација. Покрај неа, тој може да го спушти гардот и да биде свој, зашто знае дека таа нема да ја осуди неговата ранливост. Автентичноста буди доверба, а довербата е основа на секоја трајна љубов.
Топлина и сочувство
Постои огромна разлика помеѓу жена која сака та угодува и жена која има топлина во себе. Топлината не се огледува само преку зборовите, туку и преку погледот, допирот, слушањето, молчењето. Тоа е особина што на мажот му дава чувство дека е прифатен, вреден, важен, дури и кога сè околу него го говори спротивното. Топлината не значи слабост. Тоа значи јачина во способноста да ги чувствува другите и да не ги отфрли кога се најранливи.
Во време кога сè се мери и анализира, сочувството станува реткост. А, токму таа на мажот му дава чувство дека е сигурен. Не станува збор за тоа жената да простува сè и да нема поставено граници – напротив. Топлата жена умее да каже кога нешто не е во ред, но тргнува од позиција на разбирање, а не на осуда.
Кога мажот ќе ја почувствува таквата топлина, повеќе не се прашува дали е сакан, тој тоа го знае. И токму таа сигурност во емоцијата прави тој да остане, да гради, да сака и кога е тешко, да се бори кога и другите се откажуваат.
Извор: vecer.mk
