Германскиот министер за одбрана Борис Писториус денес изјави дека Германија пренесува два комплетни системи „Патриот“ во Украина, и, како што изјави, првите системи за лансирање веќе се во Украина.
„Покрај континуираната испорака на системи за оружје и муниција, Германија моментално пренесува два комплетни системи „Патриот“ во Украина. Првите системи за лансирање веќе се испорачани во Украина“, рече Писториус на почетокот на 30-от состанок на Контакт групата за одбранбени прашања на Украина во формат Рамштајн, пренесува Укринформ.
Тој им се заблагодари на норвешките партнери кои покрија половина од трошоците за двата системи.
Извор: tv21
