Нова рунда разговори меѓу Иран и Меѓународната агенција за атомска енергија (МААЕ) започна денес во Виена, потврди амбасадорот и постојан претставник на Иран во меѓународните организации во Виена, Реза Наџафи.
Според неговите зборови, преговорите се водат на експертско ниво и се дел од континуираните консултации меѓу Техеран и МААЕ со цел да се дефинира „нова форма на соработка“ во согласност со законот усвоен од иранскиот парламент, пренесува иранската агенција ИРИБ.
Наџафи изјави дека иранската делегација ја предводи Мохамад Хасан Неџад Пиркохи, генерален директор за мир и меѓународна безбедност во Министерството за надворешни работи, додека делегацијата на МААЕ ја предводи заменик-генералниот директор на Агенцијата.
Извор: tv21
