ВЛЕН: Османи мора да даде одговор – средбите со Груевски се факт

September 5, 2025
1 min read

Коалицијата ВЛЕН денеска повторно упати остри обвинувања кон министерот за надворешни работи и висок функционер на ДУИ, Бујар Османи.

Од ВЛЕН посочуваат дека „две неспорни вистини“ веќе се јасни за јавноста – дека Османи имал средба со поранешниот премиер и бегалец Никола Груевски, при што, како што велат, се знаеле „локацијата, времето и темата на разговорот“.

„Последните напади врз ВЛЕН и нашите лидери се само лаги и знак на паника, бидејќи соработката со Груевски и Мијалков мислеа дека ќе остане тајна и без докази,“ стои во реакцијата.

Партијата реагира и на наводите од ДУИ дека Изет Меџити наводно имал средба со српскиот политичар Вулин, оценувајќи ги тие тврдења како неосновани и споредувајќи ги со, како што велат, „невозможноста Артан Груби да биде тргнат од американската црна листа пред локалните избори“.

Од ВЛЕН прашуваат која била вистинската причина за средбите на Османи со Груевски во Будимпешта, наведувајќи две можни опции: дека или му ветил враќање во Македонија, или пак побарал поддршка со ветување дека ако победи во Чаир ќе го симне Али Ахмети од врвот на ДУИ.

„Османи не е жртва, туку свесен и активен учесник во овие договори. Тој е човекот кој го одржуваше системот на Али Ахмети со години, уште од времето кога беше министер во владата на Груевски, овозможувајќи му на Мијалков и на Груевски да ја контролираат државата и да градат финансиска империја,“ обвинува ВЛЕН.

Партијата порачува дека ставот им е јасен – Бујар Османи, според нив, „не може да побегне од одговорност“ и треба или да ја признае вината и да се повлече од политиката, или засекогаш да остане, како што велат, „обележан со соработка со најголемите штетници на државата и Албанците“.

Извор: zurnal.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

„Гугл“ го прослави 27. роденден

Следно

Два силни последователни потреси го погодија Авганистан во рок од 12 часа

Latest from Blog

Тоневски: Пробиштип со подобри услови за итни медицински интервенции

Две нови, современо опремени амбулантни возила пристигнаа во ЈЗУ Здравствен дом „Нада Михајлова“ во Пробиштип, информира градоначалникот Тони Тоневски. Според него, возилата ќе придонесат за подобри услови за работа на службата за

Николоски: Инвестираме меѓу 5 и 6 милијарди евра во коридорите 8 и 10, Македонија ќе стане вистинска крстосница на Балканот

Заменик-претседателот на Владата и министер за транспорт, Александар Николоски, денеска се обрати на 23. Виенски економски форум, каде што ја истакна важноста на регионалната економска соработка, заедничкиот настап на европскиот пазар и

Критичните суровини стануваат европски приоритет, потребни се нови инвестиции и модерно рударство

Европската Унија ја засилува финансиската поддршка за обезбедување критични суровини, препознавајќи ги како основа за идниот индустриски, енергетски и безбедносен развој на континентот. Како дел од измените на буџетот за периодот 2028–2034

Николоски во Виена: Економската соработка и стратешките инфраструктурни проекти во фокусот на 23. Виенски економски форум

Заменик претседателот на Владата, Александар Николоски e во работа посета на Виена, Австрија, каде учествува на 23-от Виенски економски форум. Оваа година Виенскиот економски форум се реализира под мотото “ Виенски дијалог

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по
Go toTop