Првиот вицепремиер и кандидат на ВЛЕН за градоначалник на општина Чаир, Изет Меџити, заедно со носителот на советничката листа Мухамед Муртези и пратеникот Беким Сали, вечерва беа пречекани во конакот на хаџи Ибраим во населбата Дуќанџик.
На оваа средба со жителите, Меџити потенцираше дека граѓаните на Чаир заслужуваат подобар и подостоинствен живот, а не празни говори за сателити и астрономија што им го сервира кандидатот на ДУИ, Бујар Османи.
„А тие другите на локални избори зборуваат за Борел и Лајчак, а кога требаше за Митровица тој отиде во Азербејџан, тој отиде во Киев, тој отиде во Украина, ама не најде за сходно со Борел да оди на Северот на Митровица, но за среќа не се реализира неговиот план, не се повлече специјалната полиција на Косово, таа денес е во Митровица, а се повлекоа српските паравоени сили, и вие самите видовте како избегаа оттаму бидејќи тоа не е нивно место, не е нивна татковина, и за среќа има кој да застане и зад Митровица и зад цело Косово, таму е Албин Курти кој ги гради мостовите во Митровица, но овие теми ќе ги оставиме за парламентарни избори, ние во Дуќанџик зборуваме за Дуќанџик, ние во Серово зборуваме за Серово, ние во Гази Баба за Гази Баба и во Чаир за Чаир, значи гласот за ВЛЕН е глас за иднината,“ изјави првиот заменик-премиер, Изет Меџити.
Според Меџити, ВЛЕН зборува за проблемите на граѓаните таму каде што тие живеат, додека ДУИ и нејзиниот кандидат Бујар Османи се кријат зад големи меѓународни зборови, заборавајќи ги секојдневните проблеми на Чаир.
