Тоа што претседателот Христијан Мицкоски бил следен, прислушкуван и документиран од агенциите кои требале да се занимаваат со заштита на државата и нејзините интереси, е доказ дека не само што тие служби биле злоупотребени, туку и дека треба да се преземе целосна филтрација во безбедносниот системот, смета раководителот на партискиот истражувачки аналитички центар на ВМРО-ДПМНЕ, Светислав Васев.
Според него, директорите на АНБ и АР, нивните извршители во институциите, но и нивните наредбодавци од политиката треба да сносат одговорност.
-ЈО не смее да го игнорира овој случај, ниту на него да гледа латентно. Ова е сериозен индикатор дали и таа институција има капацитет, или навистина и таму треба целосно реформирање од корен. Или ќе се исчисти системот од темел или ќе ни се случуваат истите грешки постојано. Претседателот Мицкоски не бил цел сама за себе, целта е демократијата, ставот и идеологијата кои ги застапува. Целта била да се уништи политичкиот противник со сите средства, и тоа не смее да остане неказнето, вели Васев.
Извор: kurir.mk
