Реал Мадрид успеа да ја забележи втората победа на почетокот од новата сезона во Ла Лига по пресвртот, бидејќи Мајорка водеше со 1:0 на стадионот „Сантијаго Бернабеу“. Гостите поведоа во 18-тата минута кога Пабло Торе му асистираше на Ведат Мурики, кој го совлада Куртоа за 0:1.
Сепак, до крајот на првото полувреме, Реал успеа да го сврти резултатот за само 60 секунди. Арда Гулер ги врати “кралевите“ во игра со гол за 1:1, а само минута подоцна на семафорот стоеше 2:1. Овој пат, Винисиус Жуниор ја затресе мрежата на Мајорка и тоа се покажа како конечен резултат на натпреварот.
Интересно беше и по натпреварот кога Чаби Алонсо се појави пред прес-конференцијата. Еден од нив го праша шпанскиот тренер за Фран Гарсија, кој не доби ниту една минута против Мајорка иако неодамна се истакна на Светското клупско првенство. Алонсо одговори на тоа прашање, а покрај Гарсија, спомена и неколку други играчи од првиот тим на Реал.
„Фран Гарсија? Разговарав со него исто како со Асенсио, Алаба и со сите оние кои сè уште не играле“, вели Алонсо и продолжи.
„Им го кажав на сите истото, а тоа е дека нивната шанса ќе дојде и тие ќе играат. Ќе има периоди кога ќе имаме три натпревари неделно и тогаш ќе морам да им распределам минути на сите играчи за да избегнам повреди. Тогаш ќе дојде време за нив“.
Извор: vecer.mk
