Актуелниот претседател на Соединетите Американски Држави, Доналд Трамп, ја укина заштитата на Тајната служба на Камали Харис, според Си-Ен-Ен, повикувајќи се на документ до кој тој имал пристап.
Таа наредба Трамп ја испратил во четврток во писмо со наслов „Меморандум до министерот за внатрешна безбедност“.
„Се овластувате да ги прекинете сите безбедносни процедури кои претходно беа одобрени со извршен меморандум, освен оние кои се законски задолжителни, за следната личност, почнувајќи од 1 септември 2025 година – поранешната потпретседателка Камала Д. Харис“, стои во писмото.
Одлуката за укинување на заштитата, како што наведува CNN, доаѓа во момент кога Харис започнува турнеја по повод објавувањето на нејзините мемоари „107 дена“, кои ќе излезат на 23 септември.
„Потпретседателката е благодарна на Тајната служба на Соединетите Американски Држави за нивниот професионализам, посветеност и непоколеблива грижа за безбедноста“, изјави Кирстен Ален, советничка на Камала Харис.
Со укинувањето на заштитата, не се укинуваат само агентите кои ја штитеа Харис 24 часа дневно, туку и постојаната анализа на закани и обезбедување на лични ситуации, електронска пошта, пораки и социјални мрежи, појаснува CNN.
Исто така, нејзиниот дом во Лос Анџелес повеќе нема да биде обезбедуван од федерални агенти.
Според американскиот сојузен закон, поранешните претседатели имаат право на доживотна заштита, додека поранешните потпретседатели, како Харис, имаат право на шест месеци заштита по напуштањето на функцијата, што истече на 21 јули оваа година.
Сепак, нејзината заштита беше продолжена за уште една година преку директива која не беше јавно објавена, а која ја потпишал тогашниот претседател Џозеф Бајден, непосредно пред да ја напушти функцијата.
Извор: tv21
