Девојки од Бугарија скокнале од воз во движење, зашто ја промашиле станицата- едната се бори за живот

20-годишната девојка се здобила со сериозни повреди и е во критична состојба, објавува порталот 24chasa.bg.

Инцидентот бил пријавен во службите за итни случаи во вторник околу 13:30 часот. Според првичните информации, девојките скокнале од прозорецот додека возот бил во движење.

Според извештаите, тие скокнале од возот во движење бидејќи ја пропуштиле станицата каде што требало да слезат.

Наводно, не успеале навреме да ја отворат вратата од вагонот. Кога конечно не успеале да го сторат тоа, решиле да скокнат, но возот веќе добивал брзина.

Покрената е предистражна постапка и е известено Окружното обвинителство.

Поради инцидентот, сообраќајот помеѓу станиците „Клисура“ и „Стрјама“ во Бугарија бил привремено прекинат.

Според Антонија Иванова од прес-центарот на Универзитетската болница за активен третман „Свети Георги“ во Пловдив, состојбата на 20-годишното девојче е исклучително лоша, објавува 24chasa.bg.

„Во моментов не можам да дадам никакви дополнителни информации. Другото девојче, кое има 21 година, е хоспитализирано во клиника во здравствена установа во стабилна состојба“, рече таа.