5
Германскиот канцелар Фридрих Мерц ја разгледува можноста за номинирање на претседателката на Европската комисија, Урсула фон дер Лајен, за претседател на Германија на изборите во 2027 година , открива„Шпигел“,повикувајќи се на владини извори.
Меѓу можните кандидати се уште три жени: претседателката на Бундестагот, Јулија Клокнер, министерката за семејни прашања, Карин Приен и претседателката на баварскиот покраински парламент, Илзе Ајгнер.
„Шпигел“ потсетува дека Мерц не ја исклучува можноста за избор на жена за претседател на Сојузна Република Германија . Како одговор на такво прашање на 24 август, за време на денот на отворени врати на германската влада, тој рече: „Би било добро“.
Урсула фон дер Лајен е на чело на Европската комисија од 2019 година, а во јули минатата година беше реизбрана за втор петгодишен мандат, односно до 2029 година. „Шпигел“ забележува дека во случај на учество на претседателските избори во 2027 година, таа би изгубила повеќе од половина од својот мандат на чело на ЕК, а Германија – „најважната позиција на власт во Брисел“. Од друга страна, доколку биде избрана за претседател на Германија , оваа позиција за тогаш 79-годишната фон дер Лајен ќе биде врвот на нејзината кариера, а таа ќе стане и првата жена што ја извршува оваа функција, пишува весникот.
Во минатото, фон дер Лајен стана првата жена министер за одбрана во Германија, а потоа и првата жена на чело на Европската комисија. Во ЕК, информациите за нејзиното можно назначување за претседател на Германија беа коментирани од „Билд“ на следниов начин: „ Урсула фон дер Лајен е целосно фокусирана на своите задачи како претседател на Комисијата и не може да извршува други функции “.
Извор: zurnal.mk
