Американскиот претседател Доналд Трамп изјави дека неговата администрација ќе бара смртна казна во случаи на убиства во Вашингтон.
„Кој и да убие некого во главниот град, смртна казна. Ако некој убие некого во главниот град, Вашингтон, ќе бараме смртна казна“, рече претседателот на денешниот состанок со членовите на кабинетот.
Тој рече дека тоа е многу силна превентивна мерка.
„Не знам дали сме подготвени за тоа во оваа земја… немаме избор“, рече Трамп.
Тој додаде дека мерката ќе биде спроведена во Вашингтон, додека „државите ќе мора сами да одлучат“.
Две недели, стотици припадници на Националната гарда патролираат по улиците на главниот град на САД откако Трамп прогласи вонредна состојба, тврдејќи дека Вашингтон е преплавен од бран криминал. Министерот за одбрана Пит Хегсет минатата недела им овласти на овие војници да носат оружје по улиците на главниот град.
Локалната единица на Националната гарда во Вашингтон во неделата објави дека нејзиниот персонал ќе употреби сила само „како последно средство и исклучиво како одговор на непосредна закана од смрт или сериозни телесни повреди“.
Извор: tv21
