Грозните снимки станаа вирални на социјалните мрежи во Кина пред неколку дена.
Според „Саут Чајна Морнинг Пост“, инцидентот станал познат на 15 август, кога еден граѓанин објавил видео од девојчето и нејзината мајка како шетаат низ ходниците на болницата Донгкуан во градот Кунминг, покраината Јунан.
Мајката првично рекла дека дома менувала чаршав и дека додека ја тресела крпата, ножот излетал и се забил во главата на нејзината ќерка.
Сепак, подоцна наводно им признала на лекарите дека ѝ се заканила на ќерка си со ножот затоа што малото девојче било „хистерично“ и случајно ја повредила.
Сечилото од 15 сантиметри на детето било заглавено веднаш над левото уво. Мајката наводно се обидела сама да го извади ножот, но кога не успеала, наместо да повика брза помош, го зела детето за рака и сама влегла во одделот за итни случаи!
На видеото се гледа како девојчето мирно оди низ болничките ходници, држејќи ја мајка си за рака, додека лекар ги следи. Лекарите успеале безбедно да го отстранат сечилото, а девојчето е под надзор.
Shocking moment: A fruit knife accidentally struck a 3-year-old girl’s head while her parents were changing the bedsheet.
Thankfully, it has now been safely removed. #safety #safe #child #china #Yunnan pic.twitter.com/PZnFCBU8Ri
— Ifeng News (@IFENG__official) August 18, 2025
Полицијата потврди дека станува збор за несреќа и изјави дека нема елементи на кривично дело.
Лекарите изјавија дека сè можело да заврши трагично.
„Доколку мајката сама го извадела ножот, штетата можела да биде неизмерлива. Добро е што веднаш побарала медицинска помош“, изјавија тие.
Видеото предизвика бура од реакции на кинеските социјални медиуми, при што милиони корисници изразија шок. Многумина остро ја критикуваа мајката, со коментари како: „Дали е оваа мајка нормална? Полицијата треба да ја истражи“, додека други се фокусираа на детето, изразувајќи восхит за неговата храброст и смиреност.
Извор: vecer.mk
