Федералниот апелационен суд на Соединетите Американски Држави ѝ дозволи на администрацијата на претседателот Доналд Трамп да ја поништи привремената заштита од депортација и работните дозволи за повеќе од 60.000 имигранти од Никарагва, Хондурас и Непал.
Пресудата на Апелациониот суд за Деветтиот округ веднаш ги поништува заштитите за непалските државјани, чиј статус истече на 5 август, додека заштитата за имигрантите од Хондурас и Никарагва завршува на 8 септември, објави АП.
Тројцата судии кои ја потпишаа одлуката не дадоа правно објаснување.
Портпаролката на Министерството за внатрешна безбедност, Триша Меклафлин, оцени дека одлуката го зајакнува интегритетот на имиграцискиот систем и го спречува користењето на привремениот статус како „де факто систем за азил“.
Ахилан Аруланантам од Универзитетот во Калифорнија, Лос Анџелес, претставник на една од групите што ја поднесоа тужбата, го критикуваше судот што не дал објаснување и оцени дека одлуката „го санкционира преземањето на власта од страна на владата“.
Извор: tv21
