Разведен татко од Франција, кој бил на одмор во Италија, се соочил со неверојатна случка. Неговиот одмор за малку ќе се претворел во „пекол“ откако додека се враќал дома, увидел дека на едно одморалиште на автопат ги заборавил своите две ќерки од 8 и 10 години.
Французинот застанал на едно од одморалиштата на автопатот во близината на Тренто за набрзина да земе кафе. Неговите две ќерки спиеле на задното седиште. Тој се вратил, но не погледнал дека неговите ќерки се разбудиле и го напуштиле возилото.
Тој возел 100 километри, кога му зазвонил мобилниот телефон и полицијата го информирала што направил.
Додека таткото возел кон север, вработените на станицата за одмор ги забележале двете девојчиња како загубено шетаат по областа. Не збореле италијански, но за среќа го знаеле телефонот на таткото на памет. Вработените ја известиле сообраќајната полиција.
Таткото веднаш се вратил на местото, а полицајците си играле со децата додека тој не пристигне. Известено било и јавното обвинителство. Мајката која била на одмор во Италија, исто така била информирана и пристигнала на местото, по што децата биле предадени на семејството.
Извор: tv21
