📽Хаос во Нови Сад: Маж извади пиштол пред канцеларијата на СНС, властите со бизарно објаснување

40

Пред канцеларијата на Српската напредна партија (СНС) во Нови Сад избувна жесток судир меѓу поддржувачите на СНС на Вучиќ и насобраните граѓани. Снимките од местото на настанот го покажуваат моментот кога избувнала тепачката пред седиштето на партијата.

Камерите снимиле и маж за кој се вели дека ја напуштил зградата на СНС држејќи пиштол. Ова предизвикало паника кај присутните, а во преносот во живо на Н1 Србија, може да се слушне како некој од толпата предупредува дека оружје е извлечено.

#Serbia | #BREAKING:#CONFIRMED pro-SNS individual used a handgun in front of the local SNS building in Novi Sad to disperse the protesters.#SNS #NoviSad #blokada #pistolj https://t.co/GPsii8GbPw pic.twitter.com/IrRLtQNiNx

— Luka | Дунав Intel (@Lukai1861) August 13, 2025

Според извештајот на Н1 Србија, група граѓани се приближиле кон зградата на СНС од задната страна на Булевар „Ослободување“, по што избувнала тепачка. За време на инцидентот, едно лице испукало куршум во воздух, предизвикувајќи дел од толпата да избега, објави „Разглас њуз“. Кратко потоа, на местото на настанот пристигнал полициски кордон и ги разделил двете страни.

Министерот за внатрешни работи на Србија, Ивица Дачиќ, подоцна изјави дека лицето кое го извадило пиштолот било офицер на српската армија и дека, според него, наводно бил „на службена задача да обезбеди заштитено лице“. Тој, исто така, најави дека ќе одржи прес-конференција во четврток наутро.